Ayamun cyber-tasàunt n tsekla n Tmaziàt

ayamun

cyber-revue de littérature berbère

Numéro 8 Septembre 2001

55 pages

Retour à Bienvenue

Fontes : http://www.ifrance.com/ayamun/Fontesamazighes.zip

Sommaire

Retour au titre

Sommaire:

1)_Le texte en prose: Tukkist seg ungal « tagrest urɣu »

2)_La conférence: Tasekla tamaziɣt iḍelli d wass-a

3)_La biographie:Taos-Marguerite Amrouche, une vie, une voie, une voix par Mustapha Atmani

4)_Le poème : Teqqim tessuddum tili-s

5)_Adresse de messagerie électronique

6)_ La cyberlibrairie

Retour en haut

Numéro 8 Septembre 2001

LE TEXTE EN PROSE :

Tagrest urɣu : Ixf I

I._ SALEM

Seg-mi i d-kecmen akal n At-Yeǧǧer, adfel yenna-d ma n-teṭtfeḍ. Nniqal d asxiclew kan, tura ata-n amzun d ibidiyen i d-iɣellin, simmal ţţalin adrar, simmal yeddal wakal, d tineccarin n taduṭ i d-yeţţarew. Iḍarren tura terza-d fell-asen taẓayt, d aldun kan i zzuɣuren : aten-ad sin isurifen ɣer zdat, asurif yedda di rrayaɛ. Limer mačči d ɛeggu ɛyan, akal ibezgen yerna-yas wedfel ar-d ggalen ar d aḍar i ţţakren ɣer deffir, wiss ma d tuggdi neɣ d ulawen i d-yennan kra.

Win yezwaren i d ameqqran-nnsen, amecwar gar-as d wid i d-yeddan yid-es. D neţţa i sen-yezwaren. Aten-ad wa deffir wa, gan azrar am tweḍfin di tsawent, acu kan tiweḍfin d tiberkanin yerna ţţawint ţţarant tagella deg imawen, nutni simmal simmal ţţimlulen yiwen webrid i ţţawin, d uzzal i bubben mačči d uffal neɣ d tagella.

Aɛrur ibubb, ul ẓzay, aḍar deg wedfel la-yessuruf. D tuggdi.

Abɣas mačči d win i-wumi ḥman idammen, ayen i d-yusan a-t-iqazem fiḥel ma tergagi taɣma, aɣesmar yeqqur, agecrir ibedd, ayen i d-yusan yebna fell-as. Ɣas yeţruẓ ur ikennu. Amdan yebnan s ddkir mačči s teksumt, mačči d amdan, mmi-s n wergaz d tmeṭtut d tasa d idammen !

Abɣas, d win tdel tuggdi s yifer-is usbik, aẓayan, terra tillas zdat wallen, tagecrirt tulwa, aɣesmar la-yeţţinig iman-is, tasa tebɣa ad d-teffeɣ dayenni, yeẓra ayen i t-yurǧan ahat d ilili ahat d inig aneggaru winna ur d-ngellu s tuɣalin, maca yezga yessuruf, yezga iteddu, akken i s-tehwa teffeɣ.

Abɣas d win iḥulfan i tuggdi tugar tiɣemdin mačči yekna-yas. Abɣas d win yuggaden ɣef uqerru-s neţţa iɛemmed, ɣas ɛzizet tudert yella wayen i ţ-yugaren, ɣas ɛzizit umeslay d unecreḥ yella wayen i ten-yugaren. Ayen aɛni yella win yufan tiẓeṭ yeggumma-ţ ? Ayen aɛni yella win yugin ad yili akken i s-yehwa, ad yawi abrid s talwit ? Yak ulac win yufan rrbeḥ yugi-t, anagar ibki zdat lǧefna n sesku ! Aɛni yella win ye¥rwan tarwa d imawlan, i-mi akka ata-n la-yeţţegririb di tẓegwin, deg umur ad yeqqim yid-sen nnig ukanun ad yeẓzizen, cwiṭ d ameslay cwiṭ d asefled.

Neţţa tura wid aɛzizen amzun yerra tablaṭ fell-asen, nutni daɣen ahat uysen-t, dayen rran-t di tesga n tasa anida ur ţ-yesmunddul.

Yeǧǧa-ten akken ɣer deffir, ɣas ur uklalen ass-a yurew-asen-ed lihana, azekka ahat ar-a sen-ed-yernu d imeṭtawen.

Yeẓra iḍurr-iten, ulac win ar-a sen-ed-yekken deg yimi n tewwurt, ulac win ar-a sen-yessasen tagella mi ar-a llaẓen.

Deg wussan n tegrest akka am wass-a, anwa ar-a sen-ed-izedmen ? Tusa-d nnig yiɣil-is, yella wayen i ten-yugaren. Ula d tasa i-wumi-ţ ma d ddell kan ar-a d-tagem ?

Ata-n ass-a ger idurar d izuɣar, ger tudert d tmeţţant, ɣas aḍar iteddu ul ineddu, ur yeẓra melmi ar-a sen-tbedd tikli ad yegzem wemrar wuɣur tcudd tudert yellan. Neţţa iɛemmed ; ɣas akka ɣer berra amzun tduz tasa, s-sya ɣer da tezga tessebraq-ed, teţţergigi-d, teqqar-as-ed : « A kečč i yi-ixedmen akka ! Amek armi i yi-tegreḍ deg tegniţ am ta, nekk yessaramen lehhu tura bḍiɣ d wayen urweɣ, la-ţquddureɣ rennuɣ, cedhaɣ taḍsa d umeslay ?»

Ansi i s-ed tekka neţţa yekka-yas ansi nniḍen, amɛabber yezga gar-asen, Salem mačči tengugi nniyya-s.

Tura dayen ǧǧan azaɣar, d tiwririn i la-ţţalin, mraw i d-igan tarbaɛt, d azrar n warraw n tmeṭtut i la-inebbcen di tsawent. Tugeţ deg-sen knan si tɛakkemt yeggten. Ddurt, ur yekkis yiwen wass anagar d tikli, metwal asammer i d-uɣalen. Mmuggren at tlisa ad d-awin amur-nnsen deg leslaḥ. Skud yufrar usigna deg igenni, deg uzal gganen, deg yiḍ teddun. Nutni di lqaɛa, timucarin deg igenni. Ass-a, aɣemɣum i d-yeɣlin idel tamurt, yeffer-iten ɣef yir tiṭ ar-a ten-id-iwalin. La-teddun ddaw laɛnaya-s. Inig n webrid-a mačči d win n menwala.

D Salem i d ccif-nnsen, neţţa ata-n ur ibubb ara ayen ẓzayen, i-mi tugeţ deg-sen s waṭas i ten-yugar di laɛmer. D yiwen weqcic d asaḥli i s-yennan : « A Si-Salem, ass-a gguleɣ ur teddimeḍ amur-ik, gar-aneɣ ar-a t-nefreq, nekkni taswiɛt-a meẓziyit !» Neɣ ahat ifaq-as i Salem yuẓam !

Yerna taɛekkemt n webrid-a, azal-is meqqer : d timkkeḥyal d waldun i d-wwin yid-sen, deg-mi tikli-nnsen xmat-xmat, tiṭ n wemdan limer d lebɣi mačči ad d-ters fell-asen, ama d aḥbib ama d acenggu limer ufan ulac win ar-a ten-id iwalin. Taguni yal wa s nnuba-s, teffren ɣef inezdaɣ idurar, tuɣdaṭ[i] tikkelt-a ẓran tenza, aten-ad la-ţḥaraben ɣef iqerra-nnsen d tɣawsa i d-wwin yid-sen.

« Tikkelt-a, teffeɣ tiffeɣt !»

ẓran nzan, seg-mi i d-kecmen tamaṭ-a n tmurt timucarin ur ǧǧant igenni, deg-s la-tezzint am rruḥ ɣef iceṭtiḍen, neɣ iqjan ma sraḥen kra. Aten-ad rran aḍar akken ilaq, asurif-nnsen ma yennul akal, akal ur ilaq ad yecfu fell-as, tili-nnsen tedda d tin n tzemrin tama n wadda, neɣ d tin n tzantin neɣ igedlawen deg idurar, abrid ɣef teddun ur ilaq ad yecfu fell-asen, ma ulac d anagi ar-a d-yarwen kra : ad imel i ucenggu ansi kkan. Agerbuz amzun d lexyal kan, yedda d waḍu la-yeţsuḍun neɣ d tillas i d-iɣellin ! Aten-ad deg yiḍ teddun, deg uzal sggunfuyen.

Ɣer imeddukkal-is, Salem d argaz ameqqran, neţţa ahat 35 iseggasen ur-ɛad zemmen fell-as.

Imeddukkal-is d icawraren maḍi, tugeţ deg-sen ur-ɛad i sen-ed-temɣi tamart. Llan kra deg-sen ula d remḍan ur t-bdin : tizzyiwin-nnsen di tmura-nniḍen ur-ɛad ǧǧant urar, timceṭ di lǧib agirru deg uqamum zgan d taḍsa d umerreḥ. Imeddukkal n Salem, d ussan kan i ten-yerran armi aten-ad la-teddun di tẓegwa, la-gezzmen idurar, timucarin nnig iqerra-nnsen la-tezzint, ad ruccent amadaɣ s waldun ma ilaq, dɣa ma d «napalm», yiwen deg-sen ur imennaɛ.

Asmi yeffeɣ Salem, yeǧǧa tameṭtut d sin warrac, ɣas anagar neţţa i lan d lwali, tiɣri i s-ed-yeɣran ɣer umadaɣ tugar tinna i t-yeţwehhin ɣer wexxam. Ddkir yugar lfeṭta. Amdan tikkwal amummi[ii]-ines itekk-ed nnig tasa, irekkeḍ-it, yeţţarra-t d abrid irezzu ɣur-es, yeţţarra-t d takka, iteddu fell-as.

Si Fransa kan i d-yerra ɣer umadaɣ qbala, ur yerza ɣer wexxam armi zrin wussan, ma iwala-ten akken d iqeṭtiḍen ulac amallal[iii] fell-asen yuggad ad as-tengugi nniyya, ahat maḍi ad ibeddel rray. Aṭas deg imeddukkal-is akka i teḍra yid-sen : ad d-heggin iman-nnsen, ad d-ṭtfen ţţuɛad d yemsebblen, di taggara ţţuɣalen ɣer deffir ; mačči d tuggdi-nni uggaden neɣ d lqella n umummi, maca tarwa teţţarra izem d ikerri. Mi ten-walan akken tergagi tasa, qquren iḍarren, yekkaw yimi, ul deg yedmaren d aqlaqal.

Dɣa widak ɣas ffɣen, ad qqimen aggur neɣ sin deg umadaɣ, aṭas deg-sen i d-yeţţuɣalen ɣer yexxamen-nnsen, ma ur nzan ara. Ɣas zgan ţţakken-ed afus i umennuɣ ma d amadaɣ dayen ifukk fell-asen.

Ihi Salem si Fransa kan i d-yerra qbala ɣer umadaɣ. Yurǧa armi d asmi yeffeɣ wawal, slan yakk medden i-wakken ad yerzu ɣef wat-wexxam-is. Ass-nni ur-ɛad yuli wass, metwal tafrara i yesṭebteb deg tewwurt n wesqif-is. S lemḥadra yuggad win i s-ed-isellen. Llant tudrin kecmen wid yesnuzuyen, ahat taddart-is daɣen ula d neţţat ur temniɛ ara. Taylalt ma tekcem tagrurt, yak iger yebda-t waṭtan.

Ahat tekcem uruz twekka ! Burekku seg iẓuran i ibeddu ccɣel-is, ad d-yeţţenfufud ddaw wakal, mi s-tfaq tiṭ dayenni !

Llan wid yeddan d yir abrid, malen tama ucenggu, snuzuyen deg watmaten-nnsen, ɣas cerken idammen, yiwen ddin, yiwet n tmeslayt. Ad tafeḍ yiwen akken i d-tekkrem deg yiwet n lihana, tegrarbem akken teddam ḥafi akken, asemmiḍ d laẓ flan-kken, ass am wass-a yedda d widak i kken-yeslaẓen, d widak i d-yebran i tuggdi d ddel ɣef tmurt.

Adeggal-is, baba-s n tmeṭtut-is dɣa melmi kan yemmut di Fransa, neţţa i t-yenɣan d ineslem. D argaz l-lɛali ur yuklal lmut-leɣbina.

Mi d-yeffeɣ si lmina, yessared cwiṭ s-syin yerra ɣer lqahwa am neţţa am medden, ad yekkes lxiq n teɣribt neţţa d warraw n tmurt, ass-en dɣa ahat ad yaf win ar-a s-yarun tabraţ i-mi d ssebt tameddit : aṭas n yelmeẓyen, widak yessnen tira, ţţestufuyen ass n ssebt tameddit, acu kan ilaq ad ten-taɛnuḍ send ad zzren di ssekkran.

Mi sekkren, ulac deg-sen laman, tikkwal ur ẓerren ara acu ţţarun, afus yeddmen aɣanim am-wakken yekkes algam yerwel i wallaɣ, acu i sen-yeddan deg uqerru i d-ţceggiɛen di tebraţ . Mačči yiwen dɣa ixdem-as-ţ ! mačči yeffeɣ wawal di taddart bdan medden asḥissef : « Tabraţ n leflani ur tkad amek, awal d aɛrab awal d aqbayli, ziɣ ulac win imenɛen di tissit tamcumt, yerna neţţa meqqer ye¥rwa laɛqel, yerna nniqal d axewni, ata-n ass-a ur yeẓra acu i d-yeqqar di tebraţ. Meskin, di ccaw-is i yebda laɛyub, s leḥram i yaɛna tewser-is ; deg-mi qqaren d imɣaren i tent-yessemɣaren ! Asmi terbeḥ ddunit annect-is i d-ţḥuǧǧun yergazen, tura ata-n yuzen-ed tabraţ ur tewwi ur terri !»

Medden teţţun : ţţun ur-ǧin yeṭtef ufus aɣanim i tira, ţţun yak d wiyaḍ i s-yeţţarun ! Sbabben-as ayen ur yexdim.

Uccen, yiwen webrid kan i tzerri fell-as.

Seg wass-en, ur yeqbil i yiwen ad as-yaru ma ur t-yesraḥ ! ma yelleɣ kan tiqit neţţa ad as-iwexxer, neɣ ad as-yini : « Ur ḥareɣ ara, liser liser kan, a mmi, eǧǧ-iţ ar tikkelt-nniḍen.»

Ata-n ass-a daɣen yezwar-ed ɣer lqahwa ad yeccelqef yiwen deg-sen, ad yezwir lbirra ɣur-es. Ziɣ teččur-as, taylewt i d-yugem tenfel ! Dinna i s-teččur, di ţberna ar-a yemmet neţţa yellan d axewni !

Tuɣ yekna ɣer winna i s-yeţţarun ; s wawal amectuḥ i s-yeţmeslay, amar win i s-ed-isellen, lbaḍna ur ilaq ara ad teffeɣ agemmaḍ-in i ṭtabla. Win yeţţarun am weḍbib, ayen i k-yehwan ini-yas-t, ulac lɛib ma yeẓra. Win yeţţarun ulac fell-as lbaḍna, neţţa am-wakken d afus kan, mačči d menwala, imdanen at uqemmuc, at uɣezfan n yiles. D afus kan yeṭtfen aɣanim : ayen i-wumi yesla umeẓzuɣ ɣas yura-t, allaɣ ur t-ikelles ur as-iceffu, iles d tablaṭ, tablaṭ ur tessawal ! Seg wasmi yebda taɣribt, ur-ǧin suffɣen lbaḍna widak yakk i s-yeţţarun.

Tura lqahwa teččur, wid i d-yewwḍen d ineggura ur ufin anida ar-a qqimen, sennden ɣer ukunṭwar, tayeţ ɣer tayeţ , yal wa acu itelleɣ. Neţţa yeṭtef ṭtabla tamezwarut yezzi-d i wezrug s waɛrur.

Mi d-kecmen deg sin yid-sen, yiwen ur igir ɣur-sen tamuɣli, d imsaɣen d aya, am nutni am-widak yezgan snagaren-ed ɣer da. Ama deg iceṭtiḍen, ama deg weglim kaden-ed d inselmen, d at uberkan uqerru. Acu kan, ur d-zwaren ara s sslam neɣ mselxir. Mi tezri taluft kra-nni i d-tessufef tmeţţant la-qqaren akka d wakka, udem-nnsen d ablaḍ, imi-nnsen d imsemmer ; nutni, tideţ , mi d-kecmen yiwen ur igir ɣur-sen tamuɣli, d inselmen am nutni am-wid i d-ufan dinna. Gren ifassen ddaw ibulṭa ziɣ mačči d ţţezḍam, d timkkeḥyal i d-suffɣen.

Imezwura i ten-iwalan ur rwilen ur uggaden, sulin ifassen-nnsen, ɣas d iberkanen uqerru, ɣilen d ibulisen, ad sutren lekwaɣeḍ s-syin ad ruḥen, ibulisen tura uɣen medden yid-sen tannumi. Ɣas akken deg wudem d iceṭtiḍen d inselmen, acu d isem n la «sûreté» i d-yemmekti d amenzu wallaɣ. A ziɣ d wid yeddan d bu-čamar !

Amenzu deg-sen yebda azenned, aḍeggal n Salem yeɣli ɣef wudem, taldunt terẓa-yas ajgu n waɛrur yeɣli ɣef ṭtabla amzun d tacekkart n tazart, neţţa yellan yeţmeslay i tebraţ , akken i-yewwi yid-es izen-is, yegla s iɣeblan n tmurt. Teǧǧa-t tudert ur yeẓra ansi i s-ed-tekka tyita, yunag si ddunit-a ɣer wanida ur d-yeţţuɣal. Si tebrek ɣer tayeḍ.

Imir kan lqahwa tuɣal d laɛric, arraw n tmeṭtut mrarɣen deg idammen-nnsen, mmuten, tameţţant teddem-iten akken cebbirdu yeddem iferruǧen deg webraḥ. Imessaliyen-nni la-ţḥuccun deg ibabaten, la-ţ¥ḥuccun deg warraw n tmeṭtut, la-ţsastin rennun, ulac tuggdi ɣas i udem n Ṛebbi, ulac aɣiḍi di lɛabd-ines. Izufriyen msakit ɣellin yiwen yiwen, ulac deg-sen win isuɣen, ɣellin am yezgaren, widak yumnen agezzar. S tsusmi, anagar rrɛud n waldun, ulac asuɣu.

Teɣli tissi terna tayeḍ, armi ɣlin akken llan dinna, mrarɣen deg idammen-nsnen, tugeţ teǧǧa-ten tudert. Ulac win isuɣen, amzun setḥan anwa i sen-ed-isellen, yak akka i yuɣen tannumi d lmal agugam di tɣezza n medden.

Inselmen tekker gar-asen, neɣ d awham-nni wehmen i yesnejlan awal yugi ad d-yali seg ugerjum, qquren yilsawen, ggugmen yimawen. Imir kan tameţţant tegla yis-sen, tudert teffeɣ-iten. Kra n ddqiqat kan, nnig 40 iterrasen i yeɣlin, nnger am-wa ur bnan fell-as. Limer i ẓran akka, yili ur d-teffɣen, yili ur d-ţţasen ɣer da, i-mi tameţţant anida teddiḍ tella, ad mmten meqqar di tmurt, ad ruḥen meqqar s cchada, ad ɣlin meqqar di berra, i tafat, mačči akka di ţberna.

Aṭas deg-sen i d-irewlen ɣer Fransa uggaden ɣef iqerra-nnsen, rewlen ɣef iggumyiten d «les paras», aten-ad bu-čamar ur ten-yezgil. Deg-mi qqaren akken i k-teččur ad temmteḍ, ulac tarewla zdat tacert. Ma tura-yak tmeţţant s waldun, yis-s ar-a temmteḍ ɣas limer ad terreḍ iman-ik di tɣanimt, ma tura-yak tmeţţant s tewser anida i k-yehwa grireb, ahat ula d tiderrit ur k-tekkat .

Llan wid i d-yeɣlin si tecwawt usefsaf ur ten-yuɣ wara, kkren sfezwin sefḍen cwiṭ takka, amzun kra din ur yeḍra, uɣalen lhan d ccɣel bɣan a-t-faken. Llan wid mi ḥluccgen kan akka cwiṭ, ɣas di tɣerɣert neɣ deg uddaynin, din ar-a qqaren : agerbuz yuɣal d azeqqur, tagella anagar ass-en i ţ-ffẓen.

Salem, asmi yemmut udeggal-is tuɣ aṭas seg wasmi yeffeɣ. Mi yesla d amessali i t-yenɣan am-wakken ur yewhim ara. Iseggasen yella di Fransa, mačči abrid neɣ sin i ten-id-yufa mgal-is : nutni yennan ad yeffeɣ uRumi aten-ad tura ddan yid-es, la-neqqen deg watmaten-nnsen. Akken i s-ixemmem ur as-yufi ixef-is, amek armi uɣalen tura la-kkaten ameṣmar deg waɛrur-nnsen, amdan ziɣen d tideţ tikkwal yugar tata, mačči yiwen wudem kan i ɣur-es, mačči yiwen webrid i yeţţawi, amdan tikkwal am wedrar ansi i s-tekkiḍ d asawen.

« Ayen ɣef grarben iḍelli tura ata-n ass-a la-t-serɣayen, mekknen times i tzeqqa, rran tagmaţ d qeḍran ! acenggu nnuɣen iḍelli, winna i ten-id-yenfan, winna i ten-yegren ɣer leḥbus, winna i ten-iɛessren, winna i ten-yerran d ulac, ass am wass-a ddan yid-es mgal atmaten-nnsen. Bḍan iderman, baba-s ur t-yaɛqil mmi-s, atmaten dayen ur ţţemlaɛin. Mačči yiwen neɣ sin i yezlan baba-s neɣ egma-s di texxamt. Allaɣ yeddreɣlen ata-n yessew-aɣ daɛwessu. Ziɣ ulac deg-neɣ maḍi, i-mi win i d-yusan ad aɣ-yenher, ziɣ deg-mi win i d-yusan ad iqeggel, akal-a ur iɛebba imawlan, am lmecmel neɣ ugar, ziɣ deg-mi yufa uRumi abrid yeqqim annect-a. Tufa-yas i tzeqqa inessig[iv] lɣimra i d-iɣellin.

Ass-a nniqal ar-a yekcem Cebrari, yuɣal yefka-yas yiwen wass i Yennayer asmi i t-tergem temɣart. Ass-a i d ass n umerḍil, ɣas yezwar-ed wass s yiṭij, d tameɣra n wuccen, ata-n yegla-d s wedfel. La-d-iɣelli ɣef tmurt, amzun d aɛḍas i t-id-iɛeṭtes igenni. Akka i teddunt temsal, seg imezwura n ddunit. Lḥasun akka i d-qqaren. Ula d nekkni seg wasmi i d-necfa, ulac Yennayer ur nfukk s wedfel, ulac Cebrari ur nekcim yis-s. Ula d asmi nella di Fransa akka. «

Ata-n Salem yezzer deg tirga-s yerna s ibeddi, iḍarren teddun, taɛrurt tekna, ameggreḍ yekcem di tuyat akken aman ur tţafen abrid ɣer waɛrur : ageffur ɣas nniqal yesnexfet yuɣal d aneznaz, tura iteddu-d deg-s wegris. Salem yezzer deg-sent. Akka yal abrid ar-a d-ggtent fell-as, ama d tiberkanin ama d timellalin timsal zgant kkant-ed ddaw-as, iteţţel-itent, ikebbel iman-is am-wakken yeqqar-asent: « Ccemt akk-in ! kunnemti dihin nekkini da !»

Dɣa tilufa ţţarant aḍar ur d-zeggrent ara tilisa i sent-ikerrez. Awal ɛziz ɣer Salem. Seg wasmi meẓzi. Ur t-id-yeţţali ara wawal alamma dayen. Imeslayen-is amzun seg wanu i ten-id-yeţţagem. Llan wid i s-yeqqaren d aɛeggun, ţɣilin-t yebbuhel. Win ur t-nessin ara yezmer a-t-yeḥqer, mi t-iwala akken d asusam.

Asmi yella yeqqar, ccix n llakul, ula d neţţa tazwara iɣil-it yebbuhel, cwiṭ cwiṭ yuɣal am-wakken yusa-yas-ed ɣef wul ibedd yid-es akken ilaq : semmus iseggasen neţţa ɣur-es d taɣuri.

Ccix-nni d Arumi, acu kan ɣas d Arumi, mačči am iRumyen-nniḍen. Yezga ireṣsa di llakul, kra tekka tegrest neɣ tefsut ur d-iteffeɣ : ur yeţsewwiq ara ɣer temdint deg wussan iɣimi, am neţta am yergazen-nniḍen. Yezga di llakul, anagar deg unebdu i yeţţunag ɣer tmurt-is, agemmaḍ-in i uzegza. Tarumit yezzuɣur-iţ cwiṭ, am nekkni i ţ-yeţmeslay.

Ussan imezwura mi d-yewweḍ ɣer tmurt, aṭas n medden i t-iɣunzan, ɣilen-t am neţţa am yemnekcam i t-id-yessersen da : ssbaḥ-lxir d lɛeslama kan i t-icerken yid-sen. Ifellaḥen mačči d yiwet i yekkan fell-asen, kra i d-yefka ugemmaḍ akk-in, d terẓeg kan i d-yeţţarew. Yak win yeqqes wezrem yuggad aseɣwen !

Yuɣal cwiṭ cwiṭ, yeẓda yid-sen tannumi, nutni daɣen ufan argaz-a d argaz d wezgen : yeţţaru-yasen tibratin, yessɣar-asen arraw-nnsen, yeţţak-asen isufar n tawla ma yella win yuḍnen : yerna annect-a yakk baṭel, ulac acu i d-yessutur ! Kra yaɛnan tafellaḥt, si tyerza alamma d aleqqem n tegrurin, ulac acu i s-yennesren : amdan-a, tamussni yakk d ayla-ines. Ufan-t medden akken ilaq. Ɣas akka d ccix yusa-d cwiṭ nnig-sen, ur-ǧin ad d-isuter kra, akka am wemrabeḍ yeţceyyxen fell-asen : winna agem-as, zdem-as, efk-as amur-is n yirden d tazart, ɛeccer-as, ernu-yas, yerna ur iqebbel ara timẓin ! Ula d tilawin-is mi cwiṭ ad d-rbunt, d tid-nneɣ ar-a iqeddcen fell-asent ɣas ulamma yezri unefru ! Ula d akken, taddart meskint ur teţɛadday ara. Yezga yaɛluleq, tezga fell-as tinna n «Eṭtef-iyi-n, a Yemma a-n-ɣliɣ !» Akka neɣ ad d-yesseɣli igenni, amzun d neţţa i t-yeṭtfen !

Yezga yini ixus-iyi waya d waya. Yerna ifellaḥen tugeţ deg-sen ur ten-id-yeţţali ara wawal : ţţaggaden, daɛwessu ! Ideɛɛu !

Ma d ccix-a i d-iceggaɛ uRumi ata-n ufan-t yerna ur d-yessutur kra. Ur as-ţţagmen, ur as-zeddmen, ur as-ţɛacciren.

Aseggas deffir wayeḍ, medden ssikkiden-t walan ahat d neţţa i yenḥafen fell-asen, ɣas d argaz yeɣran, di tmeddurt-is ur izad wara. Am nutni am neţţa, neɣ ugar !

Cwiṭ cwiṭ, am-wakken ahat d aɣiḍi, neɣ d lxir i s-ţţaran, bdan ţkabaren-t, maca acu ar-a yefk laẓ i wayeḍ. Tallit n tefsut, llan wid i s-yeţţakken irebbi ibawen neɣ win n tɣeddiwt ; tallit n userwet neɣ n tbexsisin, tefra temsalt, teţţaf-it di tmurt-is akk-in i uzegza. Tagrest ɣas gar-asen i yeţţili, akal izeddel : nekkni d tamurt ubelluḍ, ulac azemmur am At-waDda. Tibbaṭatatin s ufus-is i tent-iteẓzu, ur yeţţaggad ara ad amsen igerzan-is deg wakal. Tura medden dayen nnan-ţ-id : Ccix-a n Trumit mačči am-wiyaḍ !

Ɣas ḥnin ɣer wat-taddart, ẓzay ufus-is ɣef warrac yessɣar, ageṭtum n wulmu yezga yeṭtef-it, aḥlil ɣef uqerru yeqquren. Yis-s tkeččem tmussni, yis-s tkeččem tegzi.

Semmus iseggasen yeṭtef llakul n taddart, armi yezri Salem akayaḍ[v], yewwi-t-id. Ziɣ ɣas akken yekcem deg wul n wat-taddart, llan kra n medden iḍurr-iten : uddin-as teṭtef-it !

Lqayed Muḥend-Aberkan, ccix-nni amzun yekka-yas-ed d tiyersi. Aseggas wis-sḍis, icetka fell-as : usan-ed ɣur-es iǧaddarmiyen, nudan yakk llakul d wexxam-is, suffɣen-ed yakk ɣer wefrag kra ma ila-t, ama d aceṭtiḍ, ama d zzmam neɣ d ajirnan. Beḥten-t, kksen fell-as sser, zdat wat-taddart, medden yakk ssikkiden. Yerna ur yukir ur yegzim, d Lqayed kan i s-ţ-id-yessasen.

Tibratin yeţţaru, isalen i d-yessefruy, tamussni yemmal, tameslayt-is yesselmad, tin-nneɣ yebda yessawal, kra din ikukra-t Lqayed amcum : yuggad amexluq-a, yuggad acu i s-ed-yesnulfuy. Yugem-as-ed qeḍran yessew-as-t, izdem-as-ed taluft yesbabb-as-ţ.

A ziɣ ccix-nni mačči d Arumi n menwala ! D aBreton i d-nfan si tmurt-is ! Seg wasmi i t-ddmen iǧaddarmiyen ur d-yuɣal.

Iseggasen zrin, ma d medden zgan beddren-t-id ! Di lxir.

Dɣa ddurt-nni kan i-deg yenfa ccix-is anida ur d-yeţţuɣal, i teḍra yid-sen twaɣit, yenger wacu lan : snat n testan d warraw-nnsent kenfen akken s ibeddi, deg uddaynin.

Yerna ziɣ lmal d amnaṣef : ayla n medden yewɛer. Kra din yenza, ama d tazeqqa, ama d taferka ! Teɣli-d lihana tameqqrant ɣef baba-s, yennul akal armi dayen ; yuɣal d ulac neţţa zik yeswan. Aṭas seg wid i-wumi yexdem lxir, ɣlin-ed fell-as am zzerẓur. Ufan-as abrid. Mi ar-a yeɣli wezger ggten fell-as ijenwiyen.

Seg useggas-nni, Salem ur igir aḍar-is ɣer llakul, yerna neţţa d iseggasen yessaram ad d-yeffeɣ d ccix, ad yaɣ amḍiq di taddart ad yezraɛ tamussni, ad yekkes cwiṭ lihana ama ɣef imawlan ama ɣef yeqriben, a-t-afen medden akken ufan ccix-is winna iruḥen.

Mačči akken yurga i teffeɣ ! Dɣa teqqim-as-ed akken am-winna i-wumi yenser kra, am-winna i d-yeffɣen si tneri yewweḍ ɣer wanu ur yeswi, am-winna iwalan tewwa tiremt ur ţ-yečči !

Akken kan yewweḍ d ameksa, yeddem tabalizt akk-in. Tam iseggasen deg udderbuz n lmina. Aɣrum aberkan mačči d awal kan, ziɣen d tideţ yella, yečča-t yerna aglim-ines s tideţ .

Tamurt tasemmaṭ, tegres am neţţat am inezdaɣ-is. Seg walluy ar aɣelluy neţţa ddaw tmurt, yunag ɣer uɛebbuḍ n wakal : lmina, tal tafrara tmeddel fell-as amzun d aẓekka, yessekfal buḥmum. Llan wagguren dɣa akka di tegrest tafat ur ţ-iẓer ara maḍi. Yemḍel temẓi-s ddaw tmurt, asirem-ines ɣer wanu-nni anida itezzer yal ass. Agerbuz yeţɣar, allaɣ ilemmed. Nniyya teţţuɣal-as d amummi, ṭtbiɛa d azaɣar, tebɣes d uzzal. Mi zemmen tam iseggasen, mačči d winna iruḥen i d-yuɣalen. Ɣas ur yedda ara aṭas di laɛmer, tamuɣli yesrusuy ɣef medden ẓzayet i tuddma. Daɣen awalen i d-yeqqar tikkwal, ula d nutni ugaren ureɣ di taẓayt !

Akken i d-yuɣal seg yinig amezwaru, zzin-as, «baba-s yemma-s axelxal ddaḥ» ! Ferḥen aṭas s weɣrib i d-yuɣalen, ilaq ad yaɛmer wexxam ma d taferka yenzan, ad terǧu ayen yuran, ar wi-ddren neɣ wayeḍ a-ţ-id-fdun, adrim neɣ rrbeḥ yeţnexlaf, wanag lferḥ yeţţufaras !

Bdan-as tidak n yemɣaren ass-a llan, azekka ulac-iten, a wi yufan limer akken urgan ar-a teffeɣ, cwiṭ i sen-ed-yeqqimen ad ẓzun deg wakal meqqar ad d-ǧǧen axxam yeččur, ad ssun talwit. Agdiḍ yesnesren i tixfeţ , tura la-itezzi i waddad, ad yeţwaṭtef taggara. Akken kan i d-ifukk wawal yenna-d « ih !», amzun yekkes aɣummu i tirect : tislit ziɣ heggan-as-ţ-id. Iseggasen-a yufgen fell-as, ɣas yebɛad ɣef taddart, taddart ur-ǧin teţţu-t. Ur-ɛad izemm waggur axxam dɣa yeččur-ed. Ferḥen yemɣaren d tideţ , ma d neţţa amzun mačči deg waɛrur-is i ṭterḍiqent, amzun yeddubbez mačči d neţţa i taɛna temsalt.

Di tmucuha ţţawin-ed ɣef tmeɣra n 7 wussan d 7 wuḍan, di ddunit d_tin n 77 iḥebbiren i neţţidir.

Tameṭtut-is, ticci n temẓi ur-ɛad i âţ-teffiɣ. Deg wexxam-is neţţa i tmed. Ur qqimen ara aṭas akken : yuggad ṭtlaba ad d-tuɣal. Akken kan uraden iqezddiren, ur-ɛad yewweḍ waggur ata-n yuɣal agemmaḍ , yuder ɣer lmina. Kra n wagguren yesla yerna ɣur-es weqcic ur yeddir ara, tenɣa-t tegḍiṭ .

S-syin, mi wwḍen sin iseggasen ad d-yuɣal. Afellaḥ yeqqimen di tmurt iteẓzu imerɣan, neţţa tal tuɣalin ad yeẓzu tadist, akken akken armi 7 iberdan. D tafellaḥt ur d-tekki ṣsaba : wis-sin daɣen d aqcic yebzeg annect n teylewt 3 wagguren d anazaɛ, yemmut ; tis-3 d taqcict nniqal teffekrurec cwiṭ tebda tikli, yiwen wass teɣli-d si tzeqqa temmar-ed tmelɣiɣt-is am wudi yefsin. Taluft-a tuɣ di taddart i yella , tameṭtut teţru teqqar :

« Teččur-as, d ayen yuran !» Ma d neţţa yessusem.

Snat-nniḍen daɣen d tiḥdayin ur ddirent ara aṭas.

Ineggura-ya aten-ad am-wakken tessusef-iten-id tmeqbert, yaɛya lhemm : i sin yid-sen d arrac, sefraḥen dayen kan. Akka dɣa deg wussan am wass-a di Cebrari, tameṭtut tezga tesnusuy-ed ɣef tarwa-s d yemɣaren, teqqar i-wakken ad ṣebren fell-aɣ, akka ar-a âţ-tawi skud tedder.

« Tameṭtut meskint d nniyya, teţţamen yakk s tmucuha i s-ed-ǧǧant yemma-s d seţţi-s. Neǧǧa-ţ di nniyya-s, nniyya diri-t win i ţ-isengugin, acu kan ɣur-es neţţa ulac win i d-yuɣalen ad d-yeḥku nekkni ad namen. Iseggasen-nni yakk nekk kerrḍeɣ adderbuz agemmaḍ-in qqazeɣ buḥmum, tameṭtut teţţarew tekkat s uqerru iman-is, agemmaḍ-a. Tbubb nnig tazmert-is !»

Tarbaɛt tezga tessuruf, taɛrurt tbubb, taɛebbuṭ texwa, yal asurif di tsawent yis-s la-nehhtent turin. Akal ibezgen d llazuq deg iḍarren. Wid i d-yelsan ssebbaḍ ukkawaču menɛen cwiṭ, ma d patugas, ɣas ur teccgen ara fsusit i tikli, tessen aman. Adfel, akken tebɣuḍ eg-as, ikeččem.

Salem d terbaɛt-is di mraw yid-sen. Sin deg-sen yessen-iten akken ilaq i-mi d tizzyiwin-is : wi d Muḥend-UaƐli d Rabeḥ. Wiyaḍ d ilmeẓyen mačči aṭas aya seg wasmi i d-ffɣen, yerna akken ma llan d imsebblen, ur-ɛad ssnen i temkkeḥyal .

Win i-ɣef yuggad aṭas Salem d Waɛli, ata-n tikkelt-a ur d-yedda ara, deg-mi Salem am-wakken ur ihenna. Anida yella Waɛli ɣas eddu di talwit : ad as-yaddi i waḍu a-t-yeṭtef, ad as-yaddi i tafukt a-ţ-yerr d ayla-s. Icuba-t am-winna i-ɣef i d-ţţawin zik : winna i d-yeẓz¥gen tizemt, yugem-ed ayefki-ines di tyeṭtiṭ n mmi-s, yerna icudd-iţ-id s cclaɣem n yizem, argaz-is ! Yerna d tideţ mačči d tamacahuţ !

Irgazen am Waɛli ur ggiten ara, neţţa ad ak-yini : «ur caḍen ara.» Ula d Taqbaylit-is i yiman-is, mačči n menwala. Dɣa awal-a uciḍi, mačči yiwen n tikkelt kan i sen-ed yewwi amur-nnsen di teḍsa. Asmi ṭtfen akken taxxamt di Fransa, yiwen wass d Salem i d-isewwen imensi, d nnuba-s.

Cwiṭ akka la-yeqqar : « Imensi-nni amcum ass-a ata-n icaḍ !»

Waɛli yenna-yas : « Anef meqqar ad nečč ass-a ad nernu azekka.»

Salem iɣil d akellax ar-a yeţkellix fell-as, yuɣal yerfa d axessar yenna-yas :

_ A bufexxar, d iẓzan ar-a teččeḍ, la-k-qqareɣ icaḍ, yerɣa imensi, mačči d lbaraka i yewten deg-s, d times i t-yeččan !

Uɣalen ttreḍqen d taḍsa ; ass-en ɣas ur ččan ara imensi, ¥rwan taḍsa. Ɣas aṭas iseggasen aya zrin, s-sya ɣer da smektayen-ţ-id.

Akken Salem d imḥebber, akken Waɛli anezgum ɣur-es ur d-itezzi. Ama yefreḥ ama yeqreḥ, udem-is d win i d win : d aqaleb ur nkemmec ur neţţiwsir. Asmi yejweǧ Salem, Waɛli ye¥rwa deg-s taqecmaɛt :

_ Akka a yiwen umerkub, ad d-ternuḍ dderya i uRumi ad uɣalen fell-as d zzwayel. Acu kan tura i-mi tewwiḍ ddnub-nnsen tɣureḍ-ten-id ɣer ddunit, eyya kan ekcem-ed ɣer rreḥba. Ma nemmut meqqar nekkni aql-aɣ meqqerit cwiṭ, fiḥel ma neǧǧa-yasen-ed tisfi ɣer deffir i ineggura, akka i ɣ-ţ-id-ǧǧan imezwura ! Nutni ad ilin di talwit, d Imaziɣen ɣef yiman-nnsen !

Awal-a n Imaziɣen daɣen si zik yezga deg yimi-s, asmi yella agemmaḍ-in ulac fell-as, ma seg wasmi i d-yennejmaɛ, aṭas n medden mi s-slan amzun d laɛǧeb i sen-ed-yersen di tmeẓzuɣt, a-ten-tafeḍ yekres wenyir yeqqur uɣesmar, ad ţţaran nnefs ugaren ilfan ijerḥen. D tikkwal ţgurruɛen-ed s yir awal. Send ad tebdu lgirra, Waɛli, d neţţa i yebdan yeţţazzal ɣef temsalt-a ; tessaḍen-it aṭas, yezga fell-as d ameslay.

Widak iţekkin di «Pipiɛu» am-wakken ur as-ed-ţţaken ara tameẓzuɣt ; ţţarran iman-nnsen ɛaẓgen ur sellen ara. Ɣur-sen d tannumi, mi mlalen ugur ad fren fell-as, amzun akken ar-a frunt tlufa : kkaten aɣyul ddarayen tabarda.

S umeksa-nnsen kan i neṭtqen, d argaz n menwala i ţɛebbiden ! Ad teggaleḍ, ar mačči d imdanen i llan, ulac ɣur-sen tikta, yeǧǧa-ten umummi. Akken i sen-ed-yenna ad as-aɣen awal, anida i s-yehwa i ten-yeţţawi.

Yiwen wass, Waɛli d imeddukkal-is, gar-asen Rabeḥ d Muḥend-UaƐli, nnan-asen ayen i sen-yellan deg wul, dayen ggurrɛen-ed, s-syin ffɣen-ed s-ɣur-sen. Yegzem yid-sen wemrar.

Ur-ɛad izemm waggur, bdan ɣlin fell-asen iRumyen leqḍen-ten yiwen yiwen ; mačči deg waṭas yid-sen i snesren. D ayen ikaden ur yeffir, nzan, tiyita ẓran ansi i sen-ed tekka. Aneggaru deg-sen d win i d-ibubben sin iseggasen n lḥebs. Nutni ţgallan ar d Tuddsa i ten-yemlan, acu ulac aḥeqqeq, ulac anza. Acu, tideţ yellan d ta : anagar nutni i sen-ţ-yeţţalasen. Yerna d nutni kan i yeẓran ansi teffɣen d wansi keččmen.

« Ma ur ak-ed-yekka egma-k deffir anwa ar-a k-izemren !» i yeqqar Waɛli, asmi i d-yerwel si lḥebs. Imeslayen-a, fell-asen i yeţwet, yis-sen i yeţfafa, yuɣal am-wakken yeţţaggad yakk widak yessen, ur yeţţamen yiwen anagar at terbaɛt-is, imeddukkal d yečča tirẓaganin, wid-nniḍen yakk ɣur-es d akellex. Yebḍa laman d iceqfan.

Salem neţţa zik i s-yeqqar : «Tamsalt-a ad aɣ-ed-tarew kra, ma ur aɣ-tewwi ass-a ad aɣ-tawi azekka !» neɣ, « Eyya weyya-k, a Waɛli, ad_teglu s uqerru-k d wid-nneɣ !»

Winna mačči yesla-yas. Kra n wanida yella unejmaɛ, Waɛli awi-t err-it ɣer taluft i t-yuɣen. Widak i s-ed-yesmuzguten ad stewtiwen gar-asen tameẓzuɣt ɣer tmeẓzuɣt, am-wakken deg-s ţgallan.

Tura iseggasen zrin aṭas, Waɛli anida i yeqqen i yebra, ulac win izemren ad as-yekkes tikti ma treṣsa deg wallaɣ-is. Ad as-tiniḍ fell-as iteddu, ad as-tiniḍ d neţţat i d afud-is, limer mačči d neţţat ur yezmir ad yeddu, ur yezmir ad yemmeɣnes maḍi. D neţţat i d tasallelt wuɣur isenned, d ajgu n waɛrur i t-yeţţawin, d tafat s-wayes yeţwali, d iswi i-ɣef iteddu. D ustu-ines, d afud-ines, d iẓri-ines.

Ata-n tura ddurt-nni akk-in, ɣran-as-ed ɣer Tefrit, yerna Salem am-wakken icukket acu ran ɣur-es. Win iruḥen ɣer din mačči ɣef wulac : ha d kra i yexdem, neɣ ɣas ur yexdim ara, d kra i s-sbabben.

Yenna-yas i Waɛli :

_ Ɣur-ek anida teţruḥuḍ alamma nedda yid-ek, nekkni s terbaɛt, neɣ xarsum di tlata yid-neɣ : nekk d Rabeḥ, d Muḥend-UaƐli!

Waɛli yerra-yas-ed :

_ Ur ţţaggad, a Salem, ur yella wacu i yi-ţţalasen ! Ma teddam a rrbeḥ a tafat, ma ulac ekkes aɣbel ɣef yiman-ik, ur iyi-zmiren ara. Amur ameqqran deg-sen, d nekk i ten-id-yegren ɣer sseḥǧa ! Anida i d-zedmeɣ i d-squccḍen !

_ D widak i d-tewwiḍ ar-a d-yezwiren ɣur-ek. Aṭas deg-sen s tuggdi i d-ddan yid-neɣ, limer ad aɣ-afen abrid wellah ma zegglen-aɣ !

Waɛli d uccen, yerna yeẓra Salem d azemni, ur as-ed-iberru ara i wawal alamma dayen, alamma yenneḍ-it 7 iberdan deg yiles-is ; ur yeţmeslay ara, alamma tella ssebba meqqren. Salem, aṭas n tlufa i-deg i t-id-yekkes. Seg wakken yesrusuy tiṭ-is d umeẓzuɣ akken ilaq, amzun yeţkacaf, ulac acu i s-yeţţensaren. Neɣ ahat d tasa-s i ţ-id-yeqqaren.

Waɛli mačči abrid neɣ sin i s-yenna : « Asmi ar-a tefru lgirra, kečč asider ad tessidreḍ. Mi yeffeɣ uRumi, ad teldiḍ taḥanuţ, a-n-ţţasen medden a-k-ţẓurun. Ad tuɣaleḍ d amɣar azemni neɣ d agezzan maḍi. Ula d wid ar-a ţ-iḥekkmen ad d-ţţasen ɣur-ek ad asen-temmaleḍ iberdan. Acu kan, ma d iberdan yelhan kan i sen-teskanayeḍ, ha a-k-rren ɣer tili neɣ a-k-nɣen maḍi. Ayen i d-yeǧǧa uRumi nutni a-t-kemmlen, aḥlil d wid ar-a imenɛan, yiwen ur iceffu ɣef egma-s !»

Salem yeţţarra-yas : « Ma akka i d-teqqareḍ ar-a teffeɣ, a ur neḥḍer i wass-en, a Waɛli !»

Retour en haut

Numéro 8 Septembre 2001

La Conférence

Tasekla tamaziɣt iḍelli d wass-a sɣur Ɛ.Mezdad

D tira i s wayes ţţaɣen yegduden amkan-nnsen deg umezruy. Asended n tira yellan deg uzarmezruy (préhistoire), am akken di tillas n talsa (humanité). Imaziyen zgan deg umezruy, maca maïççi s tira-nnsen : s tmuɣli n wiyiḍ, s tin n yerbiben i d-iɣellin ɣef tmurt i d-pbanen.

• Anza amenzu ɣef wegdud amaziɣ d win yura Platon, deg wedlis “le timée” (p.53) :

" Tagelda n ATLANTIS i d-yefkan LYBIA, tewwet ad tettef MASER d GRIK, yuɣal tezzer deg yilel .”

Anza-nniḍen deg yedrisen n MASER taqdimt : 3300 iseggasen send Sidna-eisa, idrisen n MASER taqdimt diɣen bedren-d Imaziɣen s yismawen-a : TEHENOU, LEBBU.

SHESHONQ Amenzu yeṭtef tamurt n Nil, yebḍa tamurt ger ILIÙBIYEN, ireûsa "la dynastie 17”.

Di tazzwara umezruy, tamurt tqubel yakan tamhersa tamezwarut asmi d-kecmen Yefniqen. D Afniq i d arbib amezwaru i-ɣef yecfa Umezruy.

TALLIT tamenzut : IFNIQEN

D ifniqen i d-yesnulfan agemmay amezwaru di ddunit.

Tanmukda (impérialisme) tafniqt asmi d-tusa tegla-d s tmeslayt tasimit (sémitique) yeqwan aṭas di tallit nni. D ifniqen i d-yesnulfan agemmay amezwaru di ddunit. Ɣef akken qqaren yenmezrayen (historiens), agemmay-nneɣ yuɣ-ed azar seg wefniq maca aya d tizri kan.

Imezwura-nneɣ bdan ţţarun tameslayt. Tasekla-nneɣ am tsekliwin n ddunit merra tebda ɣef weblaḍ. Deg tferka anagar Imaziɣen d Yetyupiyen (Ethiopiens) i ikecmen amezruy s tira.

Asmi teɣli Kartaj, Massensen yesseqdec tamaziɣt d tameslayt tunsibt deg waddad aɣiwan (état civil).

TALLIT TIS-SNAT : RRUMAN

Asmi i d-usan Rruman,ufan-d Taferka-Ugafa teddukkel ama di tsertit, ama di tmeslayt i-mi agellid Massensen yessemlal tamurt utaram

Llan wanzaten i d-yeqqaren akka :

1) Send Sidna-eisa, Yugurten iceggae ɣer udeggwal-is Baxxus yiwen uneɣlaf isem-is Asfar yeqqim 3 iseggwasen di Merruk, neţţa d Buxxus yiwet n temeslayt-nnsen, yis-s i p-meslayen.

2) Deffir Sidna-eisa, Ɣwuct (Saint Augustin ) yura :

"In Africa, Barbaras gentes in una lingua" (deg tferka, Imaziyen d agdud n yiwet n tmeslayt ).

3) Pline-Amɣar yura :

"Populurum. oppidorunque nomina nel maxime inefftibHa proeteq Utim ipsorum linguis".

(Ismawan iderman-nnsen,d temdinin-nnsen, yiwen ur yezmir a ten-id yessenteq anagar nutni)

Ihi di Tferka-Ugafa tameslayt zik zik i tga yiwet.

Rruman asmi i d-yekcem yegla-d yid-es s Tlatinit, d tameslayt mucaeen aṭas di lawan-nni.

Dɣa Rruman d tamhersa s wegdus-id(de peuplement), yeigla-d yid-es s waṭas n medden, taɣerma-s tekcem aṭas Taferka-Ugafa.

Imyura s tlatinit, atas deg-sen d Imaziyen, ddmen tameslayt-nni sqedcen-p.

Ɣas akken tameslayt d talatinit, idles, izen-nni i d-teţţawi s Tmaziyt.

Ad d-nebder : Charles André Julien (Histoire de l'Afrique du Nord, Page 184-185).

- La Litterature africaine soous domination romaine est plus polémiste que styliste) (urfan, zzux).

- Manilius , d amedyaz di tallit n Tibère

- Cornélius, d bab n wawal ( rhéteur) d imfelsef stoïcien

- Septime Sévère, d bab n wawal

-Flavius

- Fronton n Cirta

Ameqqran deg-sen : Apulée n Maudaure, 125-180 deffir Sidna-eisa p.l82

contrastes, rhéteur sérieux et léger superstitieux et incrédule, infatué de soi, mais avec un type original plein de verbe, à la fois insupportable et séduisant".

« Amdan-a i yiman-is, tikkwal yeţţaḍsa, tiklwal yeţru, yessugut awal, yeţţamen s ieessasen, ney tikkwal ur yeţţamen ara maḍi, yeţzuxxu ur tuffra, yessefraḥ, yessefqae ».

Yiwen wass skecment yer Iḥebs, i²eedda di ccrae, nnan-as ² d aseḥḥar (accusé de magie)

Mi ieedda di ccrae : "la plaidoirie" i d-yenna teqqim-ed d adlis (apologie). 

«  il ne manquait pour réussir ni de beauté ni d'esprit, ni d'argent. »

Amud 2u : Florides (23 yedrisen : 23 fragments)

Asinus Aureus : 170 yura-d di taggara n tmeddurt-is tamacahuţ n yiwen isem-is LUCIUS ibeddel wudem-is yuyal d aɣyul. Akken yuɣal d aɣyul, Lucius-nni yeṛwa tilufa. Di taggara yuyal-d d amdan.

C'est un des rares livres latins qui se lisent encore aujourd'hui.

Neţţa Tamaziɣt yeţmeslay-ip. Aṭas n tmucuha i yerra yer Tlatinit.

Ar ass-a timucuha i d-yewwi Apulée llant tid ar tura ssawalen-tent di tmurt-nneɣ.

TALLIT TIS-3 : IWANDALEN

Seg tallit n Iwandalen ur aɣ-d-yeggri wara.

Asmi i d-mmɣen ɣef tmurt-nneɣ tameslayt s wayes i d-yeglan ur teţţaru ara. D tameslayt tajermanit n war agemniy (d timawit).

Yema Iwandalen maççi d tamhersa s wegdud (colonisation de peuplement) am Rruman, d tamhersa n Ieesker kan ur d-wwin ara yid-sen tilawin neɣ arraw-nnsen.

Ufan-d di Tferka-Ugafa imdanen ɣur-sen tira, am akken imnekcam-a yeffeɣ-iteën laeqel, acku agdud i-deg tressa tira u!ac win i s-izemren . Dya kra umezday ṭtfen yeţţaru ḥekmen-as s tmeţţant. Di tallit-a Iwandalen, i yenger dayen wayen i d-yeggran deg ugemmay amaziy (tifinaɣ taqburt)

Ula d tameslayt Iwandalen ur teooa ara ifeggagen-is di tmeslayt-nneɣ ass am wass-a. Anagar yiwen ufeggag i d-yeqqimen."GR" di kra n "les toponymes", ismùawen n tesga.. Llant kra n tudrin dayen ideg isem-nnsen yeggra-d; WNDL/WNDG: ahat tudrin-a d iwandalen i tent-iressan. Maca aya d amezruy maççi d tasekla.

TALLIT tis-4 : INSELMEN

Asùmi i d-kecmen, ur-ead izem Iqern, Tamazɣa-nni yellan si tamaṭ tazelmaṭ n wasif n Nil alamma d agaraw Atlanti teţţueerreb. Ulac amedya di ddunit i-deg wegdud ibeddel iles d yedles-is ur-ead izem Iqern. Imezdaɣ n izuɣar amur ameqqran deg-sen ddmen taerabt, gan d tameslayt-nnsen.

Maççi yiwet n sebba i yellan; ma ulac, llant 3 :

Sebba tamezwarut : d t in n ddin

Sebba tis-snat : d tin yaenan timetti . Aeraben-nni i d-yusan, Imaziyen imenza wid i d-mlalen d ïizennaten, am nutni tudert-nnsen deg iqiḍunen, d ireḥḥalen. Zik zik i mxalaḍen.

Sebba tis-tlata : d tin n tmeslayt. Taerabt, d tefniqt d tiyestmatin, d tisamitin (sémitiques), Tafniqt tessa-yas-d i taerabt: tuɣ ifeggagen imeslayen isamiten kecmen yakan Tamaziɣt.

Akken tebɣu tili, d tallit-a i ɣ- d-yeooan anza amenzu n tsekla yuran s Tmaziɣt.

Anza amezwaru di lqern 10: Yiwen umaziɣ n leerc Iberrwaten, yerra-d leqran ɣer Tmaziyt : d Salih-u-Tarif. Mmis n mmis, Yunus yesseqdec adlis-a i temsertit. Iḍurr aṭas agdud-is.

Asmi yeɣli Yunus, widak yeṭtfen taeekkazt-is sserɣen adlis-nni.

Yiwen umussnaw isem-is Ibn-Hewqal yeɣra leqran-a s Tmaziɣt. Yenna: « bab-is yessen tameslayt imaziɣen akken ilaq (Muḍalean bi lufɣt al Barbar), yura s tmaziɣt talemmast fehmen yakk Imaziyen n Tmesna »

Limer teffeɣ tannit-a (expérience) n Salih-u -Tarif tili ass am wass-a Tamaziɣt ad tili teddukkel i-mi tensex di tira; tili ad tawi abrid tewwi taerabt.

Ggten wursufusen (manuscrits) di tmurt n Icelḥiyen, ar tura yella usirem yiwen wass ahat n=mlilen imussnawen diɣen d yiwen umud n wedlis n Salih-u-Tarif.

Anza wis-sin di Iqern 12 : d kra n twinas yura-tent LBAYḍEQ deg iktayen-is. Lbayḍeq d ameddakel n Utumert. Iktayen-a n Lbayḍeq d levi-provençal i tent-id-yufan deg yiwen ursufus s taerabt deg 1928.

Anza wis-3 : d 24 yedrisen yuran daɣen s isekkilen n taerabt, s tmaziɣt n Nfusa, ddan-d deg yiwen wedlis isem-is KITAB SIYAR. (ifaq-asen T. LENICKI aseggas 1934).

Si Iqern 12 armi d wis 16, Taferka ugafa am akken tekbel ɣef yiman-is, timura tinselmin zzrent di tillas di yal udem n tmeddurt d tmussni. Dya tasekla yuran am akken tenger. Slid ayen uran U_Xeldun d L_Wazani (Jean Léon l'Africain), ulac anza ɣas ulamma ɣef tilawt-nneɣ.

Mi kkfan "la Reconquista " , Isbenyulen wten ad kecmen Tamazɣa. Imir i d-yekcem werbib-nniḍen : ITerki, d arbib wis 5.

TALLIT TIS-5 : ITERKWIYEN

Nutni d izayriyen i sen d-iluean i-wakken ad ten-meneen seg Sebenyul, akken neqqar, xtaren ger nnger d twaɣit.

Iterkiyen am iwandalen, d tamhersa n laesker kan ; ur d-glin ara yid-sen s wegdud. Ulac tilawin ulac arrac. Usan-d kan iterrasen : wa d Albani, Wa d Amalti, wa d aSerbi. Ur d-glin ara yid-sen s kra n yedles meqqren, anagar win n yiɣil d waldun.

Xemsa leqrun i qegglen di tmurt-nneɣ ooan-d yiwen umeslay i Tmaziɣt (Baylek); Anamek-is ɣur-neɣ d ur-atig (péjoratif).

Di tallit-a Iterkiyen ur terbiḥ taerabt ur terbiḥ Tmaziɣt.

Acu kan Ilan kra Imaziɣen uɣen isekkilen n taerabt, tugeɣ deg-sen d imrabden. Bdan ţţarun tiqsiḍin. Ţţawint-ed ɣef tmeddurin n Nbiyat d imeddukal-nnsen. Tiqsidin-a d isefra d Iɣezfanen ţţilin deg-sen armi d 500 yefyar. Ismawen imedyazen yuran ur yecfi ara fell-asen umezruy; ad d-nebder :

• Taqsiṭ n Sidna Brahim LXALIL (475 yefyar)

• Taqsiṭ n Sidna Yusef (400 yefyar)

• Taqsiṭ n Sidna Musa (600 yefyar)

• Taqsiṭ n Sidna Nuḥ (Taqiṭ s tcelḥit kan i tella).

Mi ara ndil ɣer teqsiḍin an-naf deg-sent d tikwal amezruy yeţwarkeḍ (amedya : Sidna Ibrahim di Igid meqran, Sidna Yaequb Zin leQran, Sidna Musa s tmekḥelt-is). An-naf diɣen imedyazen skanen-aɣ-d Nnbiyat am akken d imesdurar am nutni, tamurt I-deg ţţilin d tazegzawt. Maca ulac aɣilif, tideţ d ta: Imedyazen-a uran s tmeslayt-nnsen, d aya i sen-yellan deg wul.

Imedyazen yuran ɣef Ddin d liman ggten aṭas. Yiwen, amezruy yecfa ɣef yisem-is : d Hḥmed-aerab seg Iɣil-Hḥemmad. Yura "Lmursil" deg-s 275 yefyar.

Llan daɣen wid yennan tudert-nnsen n yal ass, ayen yaenan Iɣeblan-nnsen, laz-nnsen, tuggdi, ney afraḥ ma ferḥen. Aṭas daɣen i tesseblae tatut, acku imedyazen-a ur uɣen ara isekkilen n taerabt. Xas Imedyazen ur ssinen ara ad arun d tikkwal llan wid i d ileqḍen ayen nnan !

Ameqran deg imedyazen n tallit-•a d Yusef-Uqasi, nenna ilul deg 1680 yemmut di tlemmast n Iqem 18.

Ilul deg wat-Yanni, yenna tamedyazt-is deg At Jennad. D neţţa i d ameqran-nnsen 7er ITerkiyen. Yessefra aṭas ɣef ṭtrad yezgan ger imesdurar d Iterkwiyen.

Tamedyazt n Yusef-Uqasi ar ass-a d tatrart : tebna ɣef waffir yeţceṛcuren am waman : affir ilelli. Irumiyen armi d iseggasen 1920 i s-ssawden !

Tama tazelmaṭ n Tferka_uGafa di leqrun-a, tasekla s Tcelḥit tegget aṭas, ITerkwiyen ur ṭtifen ara tagelda n Lmerruk. Tasekla tegget deg-s tmedyazt, maca ïllan ṭtelbat yeţţarun idrisen-nniḍen ama d iktayen, ama d acayel (prédications). Ass-a nnig 300 iseggasen i eeddan ṭtelbat wa yeţtaooa-d i wa ursufusen, di tuffra d Ibaḍna. Ameqran d Muḥend-Waeli Awzal.

Muḥend-Waeli Awzal ilul deg 1680 yemmut deg 1750, d tizzyiwin neţţa d Yusef-uQasi. D azmifn d tterka i ten-yenɣan. Neţţa n At Ind-LJzaI deg waṭlas n Wadda, di temzi-s yenɣa tamggert, yenfa si taddart-is, yerwel ɣer zzawiyya n Tmegruṭ, yeqqim di laenaya-s 17 iseggasen ur d-yeffiɣ ar berra. Yeɣra LeQran armi yeceef. Asmi i d-yuɣal ɣer taddart-is yetceyyex. Yendem ɣef taluft yexdem di teméi-s.

Deg 1714 yura "beḥr ddumue", d zzmam yetucayal, deg-s ṭs Ixeṭbat. Tazwert d tagrayt n yedlisen-is, Muḥend-Waeli Awzal yura tent s tmedyazt.

H. JOUAD yeɣra-ten ger 1977 d 1986. Yura fell-asen tazwert (boite à document n ° 2, 1987).

Tameslay yesseqdec Muḥend-Waeli Awzal d tamaziɣt yuran. Ilugan n isefra ddan deg-sen, ma d tajerrumt am akken ur as-ifaq ara : tiwinas d wawalen ur ten-ibeṭtu ara akken ilaq, iferdisen n tmeslayt am tenzaɣ neɣ tizelɣin neɣ ismawen n yemdanen ur asen-yefka ara azal-nnsen.

Aql-aɣ tura di Iqern 18 nuɣal daɣen nessedmae imawlan n l’Europe : timetti teɣli armi dayen, taekkazt ITerkiyen terreé, adabu ulac di Tferka-Ugafa. Tamurt temceḥ akal. La teţragu timhersa-nniḍen

At Europa skecmen-d zik tmura-nneɣ irgazen i-wakken ad issinen, ad walin amek tella tmeddurt-nneɣ, timetti, akken ad asen-yishil unekcum.

Deg 1715 yiwen weglizi yura "Dissertation de langue chleuh".

Deg 1788, Venture de Paradis yura

"Lzayer di Iqem 18" (deg-s yewwi-d •ɣef amek tella tmetti iseggwasen nni).

Tajerrumt n Teqbaylit

AmawaI Tafransist-Taqbaylit (dictionnaire Français - Kabyle)

Deg 1710, yiwen Umarikan W.B. HODGSON Yessufeɣ-ed tajerrumt n Tmaziɣt di Philadelphie.

Deg 1820, J.D. DELAPORTE yura adlis isemma-yas "Specimen de langue berbère"

Idlisen-a yakk i irumiyen, i-wakken ad issinen tamurt, ad asen-yishil unekcum ɣer Tferka-Ugafa.

Di taggara n Iqern 18 tazwara n wis 19, ad nebder yiwen yisem, d Yemma Xliga-Tukrift, seg Imceddalen, neţţat meqqar yecfa fell-as umezruy. Nettat d tamedyazt i d-yeţţawin ɣef tmeddurt n yal ass. Timsalin yaenan amdan d bab-is am akken ur p-enant ara atas. Tella ɣur-es Ixelwa deg imceddalen (Di Oerger)

Yiwen wass, usan-d ɣur-es sin n ṭtelbat, a p-éuren nnan-as: "A yemma Xlioa ad aɣ-tezluḍ aqelwac", neţţat twet-iten-id s yiwen usefru , tenna :

"A Rebbi efk-d ameccim

deg igenni ad yeg aelawen

ad tergel tizi n Kwilal ansi i d-ttillin Igawawen

Tamunsni-nnsen d aɣilif

lemḥibba-nnsen d asawen,

ma tewwim-d azal n sin

eyyaw ad tezlum yiwen".

Asefru-ya dɣa ṭtelbat-nni cleqfen-t, acu nutni ssnen ad arun, ur d aqelwac i ten id-yewwin ɣer Yemma-Xliga, bɣan kan a-p-id-sneṭqen: d tamedyazt-is kan i bɣan.

Ɛmer MEZDAD

Tazrawt agi teffeɣ-ed deg Asalu uṭtunen 7, 8.

Retour en haut

Numéro 8 Septembre 2001

La Biographie

Taos-Marguerite Amrouche, une vie, une voie, une voix

Taos- Marguerite Amrouche naît le 04 mars 1913 à Tunis de parents algériens originaire de Ighil Ali, dans la région de Béjaia, en Kabylie) ; Belkacem Amrouche et Fathma Ath- Mansour, elle a quatre frères.

Au début de la guerre mondiale(1914), la famille Amrouche revient en Algérie pour y rester une année.

Il faudra attendre l’année 1922 pour un nouveau séjour en Algérie afin d’assister à un mariage d’un proche parent.

La jeune Taos part à Paris afin d’y préparer un concours d’entrée à l’Ecole Normale Supérieure qu’elle abandonnera peu de temps après.

En 1935 elle commence à écrire son premier roman « Jacinthe Noire » qu’elle terminera quatre ans après. Ce roman sera publié en 1947.

A Paris, pour combattre cette difficulté à s’adapter et par nostalgie de sa culture ancestrale éxacerbée par l’exil perpétuel, pour combattre cette difficulté à s’adapter et par nostalgie de sa culture ancestrale que l’exil perpétuel exacerbe en elle, elle chante des chants berbères anciens dès 1937.

Elle participe au Congrès de chant de Fès (Maroc) en 1939, où on lui accorde une bourse pour la recherche des survivances berbères dans le folklore Ibérique.

A Madrid, où elle séjourne de 1940 à 1942, elle épouse André Bourdil. De cette union naîtra une fille, Laurence .

La petite famille s’installe en France dès 1945.

Le talent de Taos Amrouche était polyvalent. Elle anime des émissions radiophoniques pendant plusieurs années.

De 1937 à 1940. elle anime des émissions culturelles à Radio-Tunis. Vers 1944-45, elle est à Radio-Alger.

En 1952, en compagnie de son frère Jean El Mouhoub, elle enregistre des entretiens avec Jean Giono pour la Radio française.

Toujours sur les ondes de la radio française , de 1957 à 1963, elle animera par la suite une émission hebdomadaire en langue kabyle , sur la culture orale et la littérature nord-africaines.

En parallèle, elle se consacre sans relâche aux chants kabyles anciens , en donnant des récitals et des interviews, en organisant des conférences. Elle contribuera grandement à faire connaître la culture nord-africaine à laquelle elle donnera une dimension universelle.

Son deuxième roman « Rue Des Tambourins » est publié en 1960.

Son succès est immense. Entre 1964 et 1965, elle est invitée partout dans le monde.

En 1966, le président sénégalais Léopold Sedar Senghor l’invite pour participer au Festival des Arts Nègres à Dakar.

La même année , elle publie « le Grain Magique », receuil de contes et de proverbes kabyles.

En 1967, elle est lauréate du Grand Prix d’Ethnologie Musicale de l’Académie du Disque, en récompense à son talent immense dans le genre qu’elle interprète : l’Opéra Berbère.

De 1966 à 1967, elle participe ensuite en tant que comédienne dans la pièce de Kateb Yacine « Les Ancêtres redoublent de férocité » jouée au T.N.P à Paris, où son rôle émerveille les spectateurs.

Le 14 Juin 1966, c’est dans son domicile que se tient la première réunion qui a donné naissance à l’Académie berbère (Agraw Imazighen)

En 1970 elle présente à Venise (Italie) un concert de Chants Amazighs et donne une conférence-récital au colloque de Mohammedia (Maroc).

Entre 1971 et 1975 , ses prestations au Théâtre de la ville de Paris lui valurent succès et consécration.

« L’amant Imaginaire », roman écrit en 1966 reparait en 1975 .

Taos Marguerite Amrouche meurt d’un cancer le 02 avril 1979 à Paris, avant que son dernier roman « Solitude ma Mère » ne soit publiée.

Les œuvres de T.M Amrouche :

_JACINTHE NOIRE, roman ( 1947)

_Rue des Tambourins, roman (1960)

_Le Grain Magique, essai (1966)

_L’amant imaginaire, roman (1966)

_Solitude ma Mère, roman.

Taos Amrouche a dit :

« J’ai un but à atteindre, empêcher la culture berbère de périr. Elle est aujourd’hui menacée en Afrique du Nord. Pourtant, elle ne porte ombrage à personne, mais on prétend qu’elle relève du particularisme régional alors que c’est toute l’Afrique blanche qui est berbère en profondeur. Il s’agit d’un patrimoine cinq fois millénaire, un patrimoine de beauté et de spiritualité qui devrait faire l’orgueil de tous les pays maghrébins et, au-delà, de l’humanité toute entière »

«  Nos bijoux sont exposés, nos poèmes, contes et chansons sont répertoriés partout ailleurs à l’étranger, à quoi serviront alors vos lois et vos discours »

« Tant qu’il y aura un souffle de vie en moi, que ce souffle de vie soit mis au service de mes chants et de tout ce qu’il leur ressemblent qui sont la gloire et le trésor de l’Humanité »

« Ils trichent avec eux-mêmes et ils trichent avec l’Histoire, les dirigeants des pays maghrébins qui tentent d’éliminer la culture berbère »

«  je suis restée toujours l’éternelle exilée, celle qui jamais ne s’est sentie chez-elle nulle part »

« Je connaissais déjà ce sentiment d’âtre exclue du cercle magique (…) que je me retrouve au milieu de mes compagnes musulmanes ou françaises. J’étais seule de mon espèce. Aussi loin que remonte le souvenir, je découvre cette douleur inconsolable de ne pouvoir m’intégrer aux autres, d’âtre toujours en marge. »

Mustapha Atmani

Bibliographie : Revue Racines, N°1, Janvier 1999

Retour en haut

Numéro 8 Septembre 2001

Le poème :

Teqqim tessuddum tili-s sɣur Ɛ. Mezdad

Teqqim tessuddum tili-s

d imeṭtawen i nedduri

amummi yeǧǧa-ţ dayen

yennejla send i tisin

Neddukkel yid-es d timmaḍ

deffir ijufaṛ-ines

ulac abrid i ɣ-yeddmen

nfetti deg yiḍ deg wass

i neffeẓdeg tuzzalin

di reffu i d-yeggten fell-aɣ

ula d ibidi nesbur

amzun s wegris i yezḍa.

Abrid i newwi ziɣen

am takurt ddew ifassen

ɣas tfeţţi am tsegrurt

nugar aneggaru tazzla.

Igerzan tiglulin ablaḍ

a-s-tiniḍ yis-s i gant

agerbuz yuɣal d ddkir

dayen ur t-tezdiɣ tasa.

Teqqim tessuddum tili-s

d imeṭtawen i nedduri

am wulli bla ameksa

nerra ifeẓ neǧǧa amummi

Ula d allaɣ ziɣ-nni

mi s-yehwa yeǧǧa aqerru

wissen anida itemmeɣ

deg innaw yedda d arḍel.

Innaw yeẓzaden aḍu

yerra-yaɣ d iɛeẓzugen

ur yeţţer alɣu-nneɣ

ahat yezmer a-t-yenfaɛ.

Ɣur-es nekkni d war-'baɣur

d aḥeccad ur neţţarew

ɣes ifer yelha i tmuɣli

zzit seg-s ur d-tennunet

Inaw yeẓzaden aḍu

am uḍar yeẓzaden ameslay

tilkeţ izedɣen izem

teqqar-as wa d ayla-inu.

Neqqim nezzi-d i tili-s

d imeṭtawen i nedduri

yiwen wass mi ɣ-ed-twala

tenna " ma d wi i s-sggujleɣ !"

Nekkni tuɣ la nesseflid

timesliwt wer-ǧin nesli

tura taɛẓeg amzun tekkes

yal awal a-ɣ-ed-isennu

ur ngi d imawaḍen

ameslay-is amzun d anza

neqqim nezzi-d i tili-s

a-s-ed-nezḍ agerbuz wayeḍ

azeṭta-nneɣ d awalen

ɣas afus yeţţu ustu

iɣes ɣef tbedd tfekka

am yedmim di tgemmunin

Neqqim nessuddum timmi-s

d imeṭtawen i d-neţţagem

ziɣ nek ni meṛra d tarwa-s

nerẓa agemmaḍ n tmara.

Nemzukrar yid-es d tarbaɛt

amenzu iruǧa wayeḍ

nebra i laẓ nugem asirem

ɣes tannumi d rrayaɛ

aɛawez nerra-t d tafugt

akken uḍan nerra-ten d ass

ma yeɣli yimir neddem-it

neţleqqim yis-s tameddurt

tamsetlelt dew twizi

am yimi ddew teccuyt

yeţɣaḍ uɛeqqa n wekbal

winna i d-yeɣlin di tdeggirt.

Iswi tura tizi a-t-nennal

wissen ma ur iregg el akk-in

amamn n maɛrur di ṣseḥra

i iminig ssedhant wallen.

Neqqim nessuddum allen-is

d asirem i d-neţţagem

azmumeg-nneɣ d azmumeg-is

iswi-nneɣ d taddart-ines

Retour en haut

Numéro 8 Septembre 2001

Adresse de messagerie électronique : ayamun@Hotmail.com

Adresse Web:http:/ayamun.ifrance.com

Retour en haut

Retour au titre

tanemmirt, i kra i¥Zuren ayamun, cyber-tasàunt n tsekla imaziàen, ar tufat !

@Copyright ayamun 2001
Dernière révision : 5 Septembre 2001

---

[i]mission

[ii]désir, volonté

[iii]aide, secours

[iv] fuite, faille

[v]examen