|
Nouvelles
publications:
Le roman « agellid n times » de Ulaεmara vient de
paraître. L’auteur vient de le mettre en ligne sur la cyberrevue de
littérature berbère « ayamun », rubrique « télécharger des
ouvrages ». Pour obtenir gratuitement ce roman, actuellement non
disponible en librairie, cliquer ici : Télécharger
Des recueils de poésie et 4 romans viennent
paraître :
Ɛ.
Mezdad,
ass-nni, ungal, ayamun, 2006
Ulac
acu ur neţfakka. Kra i d-yeγlin γer ddunit ilaq ad yiwsir.
Ayen yeẓzan, ţγaren iẓuran deffir ifurkawen. Kra
iteddun, neγ yeţmuruden, kra yeţţarran nnefs, tγelli
tgecrirt, iḥeffu weglim, yeţruẓu yifer. Ma d amdan,
tikkwal yeţwaγ ula d allaγ-is.
Iseggasen-a ineggura, tamγart, cwiṭ cwiṭ,
ixerreb leεqel-is, mačči d tinna n zik. Kra tennuγ d
ddunit, ddunit taggara-ya terra-d deg-s ţţar. Mi ţ-yesni ad
as-yales. Tura awal ma izad, ad iruḥ fell-as yiḍes, kra yekka
yiḍ d asnirmet. Alamma yedden ccix, neţţat tiṭ-is ur
teqqin. Imir, ad teddem ssḍel i tẓallit. Ad tesṭettun, ur
tferren azal d yiḍ.
“ Selleγ-as mi ara tefk lfaţiḥa. Ɣur-s
d tannumi lfaţiḥa mačči s tsusmi, teţmeslay ansi
i k-yehwa ad as-d-tesleḍ, amar i-mi s teqbaylit i
ţ-teţţak, teẓra acu teqqar “ A bab n igenwan d tmura ! A ssadaţ imeεzuzen !” Ad ţ-tawi akken azrar n ddeεwa
n lxir, tatut ur teţţeţţu yiwen deg-neγ. Zik ula d
Tawes teţţawi-ţ-id di lfaţiḥa. “Ad yeg Ṛebbi
teẓza s ixulaf, ad terbaḥ ad tesserbeḥ.” Tineggura-ya, ur
as-selleγ ara tbedder-iţ. Tekkes-iţ di lfaţiḥa,
akken i ţ-tekkes deg wul-is. Uggaγ d tideţ γur-s, dayen
temsa.
Mi tfukk taẓallit, tikkwal teggan alamma bdan
medden tuffγa. Syin ad d-tekker, bezgent wallen, aqerru-s amzun d
tissirt. Mi ara yi-d-taf deg wexxam, tugeţ d nek ara ţ-yezwiren s εelxir ;
tikkwal ur iyi-t-d-teţţara ara. Mi teswa cwiṭ n lqahwa, ad
tawi abrid n wennar, nnig Yiger-Usammer, din ara taf Nna-Faṭi. Seg
wasmi temmut Tḥemmuţ, aţţan tuγal γer Nna-Faṭi,
yerna tamexluqt-nni ul-is diri-t, ur ţ-ḥemmlen ara medden :
mačči am tmettut am tayeḍ
!
__________________________________________________________________________________________________________________________
Bururu, ungal, éd. Azur, 2006
Bururu, i wid i t-yessnen, d afrux n yiḍ, maca aṭas
seg-sen d timesliwt kan i as-sellen, werğin t-ẓran. I wid, seg
Yiqbayliyen, t-yessnen ugar, zran-t, rnan sbabben-as: bururu d azamul n
tecmaţ. Tacmaţ tenteḍ deg-s, am netta am Iecγal-is, yetteffeγ i tallast, yetteddu i
tallast. D anemgal n lbaz, n tafat.
Deg
Bururu, bururu ur t-id-tettmagarem
s timmad-is. Ara tzerrem anagar ayen yettaken anzi γer-s, lexyal-is,
amzun d amasan, d aγersiw n yiḍ. Ad t-tettwalim deg yixejḍan.
Alama d taggara ara t-teẓrem s timmad-is, akken I t-yeẓra Muh.
Maca, ara teẓrem, d ayen i t-icuban.
Muh,
imi d netta i terza taluft, niqal abrid-is d usrid. Ur yuksan, yuγaI ubrid-nni d
unniḍ. Memmi-s n lasiti, yella yet targ am tezyiwin-is,
yessaram ad yessebded tudert-is, akken i tt-yedma netta, yef tayri d tezdeg
n wallaγ. Yuaγal simmal yetteddu yer zdat
simmal yessedram deg tudert-nni.
Ur yuklal. Ur yuhwan. Ssebba-s d
Dunya. Seg trewla i terwel
fell-as, tenneclulef gar yifassen-is, yerra-tt i usexreb.Ṭtfen-t γer Iḥebs,
yeffeγ-d, yezger yer
Spenyul, syin yelḥa yer
Fransa, yar-a iman-is deg Talyan. Din i tt-yerwi maḍi ; seg tcabcaqin
d ugarru, yezleḍ…
yaf-d iman-is deg iqefs daγen ; seg tcabcaqin d
ugarru, yuyal yeḍfer abrid i as-mlan wid i n-
yufa, ssira lmutstaqim, abrid n yicamraren i
t-yuznen yer Paris
asmi i d-yeffeγ seg lhebs. Seg
Paris srid yer teẓgi n Zberber.
Allaoua Rabhi
___________________________________________________________________________________________________________________________
Igli n tlelli, Lwerd n tayri , ungal, 200
Igli n tlelli d yiwen n wergaz ilulen
di la cité Sellier, Hydra, asun n BirMurad Rayes, Lezzayer tamaneγt,
ass n 14
Furar 1967. Umbaâd sin
iseggasen mi ill, gguğğen-d imarrawen-is γer
taddert n “ Yiγ n
Bbil ”, leεerc
n At-Mendas, taγiwant
d wasun n Buγni.
Yeγra
mraw yiwen iseggasen deg uγerbaz amezwaru d ulemmas syen, yeṭtwer-d u
yebda taγuri
weḥd-s, d netta i d aselmad n
yirnan -i s (autodidacte).
Ar zdat, yexdem ddeqs n tannanin. Ass-a, yuyal d aphotographe de la presse.
Yexdem tannan t
di l’informatique, aṭas nniḍen
yerzan tutlayin : tarnaziγt, tafransist, taglizit ar tag. Mazal
la ilemmed ar tura u ad ilemrned i lebda..
Yexdem ddeqs n twuriwin akken i yura aṭas n wadlisen, ammuden
n isefra maca ur yessaweḍ ara ad ten-id-yessufeγ u yura aṭas n imagraden deg yeγmisen
d tesγunin anida yella d arnεiwen deg yeγrnisen : Le
Quotidien de Kabylie, iẒuran, tasγunt ABC Amazigh ar tag..
Yessufeγ-d yiwen n wedlis deg useggas 1996 i wumi yefka azwel: “Izen
n Dda Lmulud “ . Ass-a, ger-ak d yedrimen-ik, ma yelia ur ten-teksibeḍ , ad tayeḍ
tasga. Maca, yezga usirem deg wul-is d laεqel-is, d annect-agi i t-yeğğan ad d-yessufeγ ungal-agi i wumi yefka azwel : “Lwerd n
tayri.” Ad s-nessirem afud igerrzen di leqdicat-is.
SALMA.
_________________________________________________________________________________________________________________________________________________________________________
Youcef Oubellil, arrac
n tefsut, ungal, tizrigin agraw n yedles amaziγ, 2005
« Akli d akli gar waklan nni iḍefren abrid n tmaziγt. Deg tallit nni ur yeẓri
γer wanida ara t-yessuffeγ. Iḍifer-it, yezzuγer yid-es tin
akken i-yeqqen γer terngerḍt-is : tin
akken i-s-tefka twenza-s, nettat mazal-itt deg tesnawit. Deg zzedwa nni mes
ddan akk yinelmaden : yessenker tafsut. Tafsut mm yijeğğigen,
tafsut yeγrnan s yidamrnen n warraw-is : widen akken
i-wumi isemma Youcef OUBELLIL arrac n tefsut. D nutni i-s-yegren aseḍru
i trnaziγt almi i-d-yules talalit yetri-s deg tegnawt i-deg teddun ad t-sefḍen...
Akli yuγ-itt-id seg Yirnezwura. Yeṭtef asafu n trnussni, iger-it deg
uzeṭta n tussna, yerna-yas tisegra n tayri, tluI-ed tefsut mm
yijeğğigen. Tewwi-d yid-es açlu isenyelyaçien isekla n tibawt,
yezwi-ten almi d-tennulfa tiaba n tayri gar yeImezyen, tezga deg tlemrnast
n umennuy yef yedles, amennuγ yef tutlayt... »
Yidir Ahmed-Zaid
________________________________________________________________________________________________________________________________________________
Brahim tazaghart vient de publier aux éditions Azur un recueil de
poèmes : akkin i tira
_________________________________________________________________________________________________________________________________________________
Adresses Web: http://ayamun.ifrance.com/index.htm
Retour au début
Retour
au titre
tanemmirt, i kra iẓuren ayamun, cyber-tasγunt n
tsekla imaziγen, ar tufat !
@ Copyright ayamun
2007
|